ShQO-da sońǵy 5 jylda kásiporyndarda 200-ge jýyq adam jaraqat aldy
ÓSKEMEN. KAZINFORM – Shyǵys Qazaqstan oblysynda sońǵy 5 jylda taý-ken metallýrgııa kásiporyndarynda 199 adam jaraqat alǵan.
Shyǵys Qazaqstan oblysynyń prokýratýrasy 2023 jyly taý-ken metallýrgııa ónerkásibinde apattar men jaraqat alǵan jumysshylar sanyn azaıtý maqsatynda arnaıy jobany iske qosty. Sebebi sońǵy 5 jylda kásiporyndarda 199 adam jaraqat alǵandyqtan bul ózekti máselege aınalyp otyr.
«Osy maqsatta máselelerdi úılestirý jáne jedel sheshý úshin jumys toby qurylyp, taý-ken metallýrgııa kásiporyndary basshylarynyń qatysýymen is-sharalar kesheni ázirlendi. Jumysshylar men jumys berýshilerdi qoldaý úshin senim telefony quryldy. Eńbek ujymyn jazataıym oqıǵalardan saqtandyrýdy qamtamasyz etý, jumys oryndaryn ýaqtyly attestatsııalaý, qyzmetkerlerdi tótenshe jaǵdaılarda alǵashqy medıtsınalyq kómek kórsetý daǵdylaryna oqytý, tozǵan jabdyqty jańartý boıynsha sharalar qabyldandy», - dep habarlady ShQO prokýratýrasynan.
Osynyń nátıjesinde, 2023 jyly aldyńǵy jylmen salystyrǵanda zardap shekkender sany 40,5%-ǵa azaıdy. Osy jyldyń basynan beri taý-ken metallýrgııa kásiporyndarynda óndiristik jaraqat alý faktileri tirkelmegen.
