ShQO-da sónbeı qalǵan shoq iri órtke ushyratty
ULAN AÝDANY. QazAqparat – Shyǵys Qazaqstan oblysynda Dubyǵaly kóline jaqyn mańda sónbeı qalǵan shoq saldarynan órt shyqty, dep habarlaıdy QazAqparat óńirdiń tótenshe jaǵdaılar departamentiniń baspasóz qyzmetine silteme jasap.
«Qurǵaq aýa raıy men jeldiń saldarynan sónbeı qalǵan ottyń arty úlken órtke ulasty. Dubyǵaly kólinde demalatyn adamdar kóp, biraq olar qarapaıym qaýipsizdik erejelerin saqtamaıdy. 29 maýsymda sónbeı qalǵan ottyń saldarynan «Okýnkı» jáne «Qarasha» demalys bazalary aýmaǵynda 45 gektar shóp órtke orandy», - dep habarlady TJD-dan.
Oqıǵa ornyna Ulan aýdany Tavrııa aýylynda ornalasqan órt sóndirý bóliminen 9 qyzmetker jáne jergilikti atqarý organdarynan 5 adam bardy.Jeldiń saldarynan órt úlken aýmaqty qamtyp, Óskemennen qosymsha 22 adam jiberildi. Órt tek keshke sóndirildi. Eshkim zardap shekken joq, demalys bazasy da zaqymdalmady.
