ShQO-da soqtyǵysqan eki kólik jyraǵa qulady
ÓSKEMEN. QazAqparat – Shyǵys Qazaqstan oblysynda eki kólik soqtyǵysyp, 3 adam zardap shekti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jol-kólik oqıǵasy «Altaı-Zýbovsk» tasjolynyń 14-shi shaqyrymynda bolǵan.
«Jolda kele jatqan Chevrolet Niva jáne Toyota Windom markaly kólikteri soqtyǵysty. Jol apatynyń saldarynan eki kólik te jyraǵa qulaǵan. Oqıǵa ornyna jádel járdem qyzmetkerleri men qutqarýshylar dereý kelip jetti. Medıtsına qyzmetkerleri eki adamdy óz betterimen kólikten shyǵarǵan. Al qystyrylyp qalǵan taǵy bir azamatqa qutqarýshylardyń kómeki qajet boldy», - dep habarlady vedomstvo ókilderi.
Qazirgi ýaqytta zardap shekkender Altaı aýdandyq ortalyq aýrýhanasyna jatqyzylǵan. Jol-kólik oqıǵasynyń mán-jaıy anyqtalyp jatyr.
