ShQO-da soǵys ardagerlerine Jeńis kúnine oraı 500 myń teńgeden beriledi

ÓSKEMEN. QazAqparat - Oblys ákimi Danıal Ahmetovtyń sheshimimen Jeńis kúnine oraı Shyǵys Qazaqstan oblysynda turatyn Uly Otan soǵysynyń árbir ardagerine 500 teńge syıǵa tartylady, dep habarlandy óńirlik aqparat ortalyǵynan. Bul týraly «QazAqparat» HAA habarlaıdy.

«Elimizdiń shyǵysynda ardagerlerge qashanda zor kóńil bólinip kelgen. Bıylǵy jyly 9 mamyr merkesine oraı UOS ardagerleri men múgedekteri aqshalaı syılyq alady. Syıaqynyń kólemi Jeńistiń 70 jyldyǵy men 71 jyldyǵy kezindegi deńgeıde saqtalady. Osylaısha, ardagerlerdiń beıbit kúnde de ózderiniń balalary men nemerelerine kómektesýlerine mol múmkindik jasalmaq»,-dedi Danıal Ahmetov májilis barysynda.

Búgin oblystyń qalalary men aýdandarynda UOS-nyń 99 múgedegi men 231 ardageri turady. Sondaı-aq 25 myń tyl eńbekkeri bar. Olardyń barlyǵy da jyl boıyna oblystyq bıýdjettiń esebinen shıpajaılar men demalys oryndarynda em qabyldaıdy.