ShQO-da skarlatınamen syrqattanǵandar sany 44%-ǵa kóbeıgen
ÓSKEMEN. KAZINFORM – Shyǵys Qazaqstan oblysynda skarlatına juqpasymen aýyrǵandar sany kúrt artyp otyr.
Óńirde bıyl skarlatına ınfektsııasyn juqtyrǵan 396 adam tirkelgen. Bul ótken jyldyń sáıkes kezeńimen salystyrǵanda 121 jaǵdaıǵa, ıaǵnı 44%-ǵa kóp.
Aýrýǵa shaldyqqandardyń basym bóligi Óskemen qalasynda. Munda 323 adam syrqattandy. Sondaı-aq Zaısan aýdanynda – 29, Ulan aýdanynda – 15, Rıdder qalasynda 12 jaǵdaı anyqtalǵan. Oblystyń ózge aýdandarynda naýqastar sany 2-den 4 adamǵa deıin jetedi.
– Skarlatınamen kóbine balalar aýyrady. Atap aıtqanda, 0-6 jas aralyǵyndaǵy balalar arasynda 325 jaǵdaı tirkelse, 7-19 jas aralyǵyndaǵy jasóspirimder arasynda 62 jaǵdaı anyqtalǵan. Syrqattanǵandar sanynyń ósýine balalar arasynda streptokokk ınfektsııasynyń taralýy, respıratorlyq aýrýlar maýsymyndaǵy qolaıly epıdemıologııalyq jaǵdaılar áser etýi múmkin, - dep habarlady ShQO sanıtarlyq-epıdemıologııalyq baqylaý departamentinen.
Vedomstvo málimetinshe, ınfektsııanyń taralýyna naýqastarmen baılanysta bolǵan adamdardy der kezinde anyqtamaý da yqpal etedi. Bul óz kezeginde balabaqshalar men mektepterde aýrý juqtyrý qaýpin arttyrady.
Eske salsaq, buǵan deıin Qyzylorda oblysynda tumaý 3,3 ese tómendegeni habarlanǵan.
