ShQO-da sirińkemen oınaǵan balanyń kesirinen 30 tonna pishen órtendi
ÓSKEMEN. QazAqparat – Shyǵys Qazaqstan oblysy Glýbokoe aýdanynda sirińkemen oınaǵan bala 30 tonna pishenniń órtenýine sebepker boldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, órt búgin Glýbokoe aýdany Ýshanov aýylynda shyqqan.
«Oqıǵa ornyna órt sóndirýshiler shuǵyl kelip jetti. Belgili bolǵandaı, 30 tonna pishen órtengen. Kóp uzamaı qyzyl jalyn tolyqtaı aýyzdyqtaldy», - dep habarlady vedomstvo ókilderi.
Aldyn ala málimet boıynsha, órttiń shyǵýyna – balanyń sirińkemen oınaýy sebep bolǵan.
Osy rette qutqarýshylar óńir jurtshylyǵyna balalaryn qaraýsyz qaldyrmaý qajettigin eskertedi.
