ShQO-da shyqqan dala órti eki kúnnen soń sóndirildi
ÓSKEMEN. QazAqparat – Shyǵys Qazaqstan oblysy Kókpekti aýdanynda shyqqan dala órti eki kúnnen soń sóndirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 21 tamyzda Malınogorsk aýylynda shóp órtengen. Oqıǵa ornyna shuǵyl kelip jetken órt sóndirýshiler, jergilikti atqarýshy organ ókilderi men ormanshylar qyzyl jalyndy aýyzdyqtaýǵa kiristi.
«Tilsiz jaýdyń jalpy aýdany 40 sharshy metrge jetti. Órtke oranǵan orman aýmaǵy 4,2 gektardy quraǵan. Búgin saǵat 07.25 shamasynda ot tolyqtaı sóndirildi. Órtpen kúreske jeke quramnan 151 adam men 18 tehnıka jumyldyrylǵan», - dep habarlady vedomstvo ókilderi.
Esterińizge sala ketsek, osyǵan deıin ShQO-daǵy dala órti 40 gektarǵa jaıylǵanyn habarlaǵan bolatynbyz.
