ShQO-da shuńqyrǵa qulaǵan er adam úsip kete jazdady

ÓSKEMEN. QazAqparat – Óskemen qalasynda shuńqyrǵa qulaǵan er adam qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar shuńqyrǵa qulap ketken er adamǵa kómekke kelgen.

«Qala turǵyny Nursultan Nazarbaev dańǵylyndaǵy shuńqyrǵa qulap ketip, ózdiginen shyǵa almaı qalǵan. Habar túsisimen oqıǵa ornyna shuǵyl jetken mamandandyrylǵan jasaq qyzmetkerleri zardap shegýshini alyp shyqty. Qatty tońyp qalǵan azamat jedel járdem mamandaryna tabystaldy», - delingen aqparatta.

Osy rette, TJD ókilderi óńir jurtshylyǵyn qandaı jaǵdaıda da qaýipsizdik sharalaryn qatań saqtaý qajettigin eskertedi.