ShQO-da shóp órtenip, ony sóndirmek bolǵan eki er adam zardap shekti
ÓSKEMEN. QazAqparat – Shyǵys Qazaqstan oblysy Tarbaǵataı aýdanynda denelerin kúıik shalǵan eki azamat aýrýhanaǵa jetkizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimeti boıynsha, 2 maýsym kúni saǵat 18.40-ta Tarbaǵataı aýdany Yrǵyzbaı aýyldyq okrýginde 60 gektar aýmaqtaǵy shóp órtengen. Qatty jeldiń saldarynan jalyn sol mańaıdaǵy «Temir» sharýa qojalyǵyndaǵy qora-jaılarǵa jaıylýǵa shaq qalǵan. Buny kórgen qojalyq ıeleri tilsiz jaýdy sóndirmek bolady.
«Ottyń ortasynda qalǵan 1978 jáne 1990 jylǵy er adamdardyń denelerin kúıik shalǵan. Olarǵa kómekke kelgen jergilikti turǵyndar ekeýin dereý aýrýhanaǵa jetkizdi», - dep habarlady vedomstvo ókilderi.
Qyzyl jalyndy aýyzdyqtaýǵa №18 órt sóndirý bóliminiń 8 qyzmetkeri, órt sóndirý beketinen 8 adam jáne 30 aýyl turǵyny jumyldyrylǵan.
Aıta keteıik, órt búgin tańǵy saǵat 5.30-da sóndirildi.
