ShQO-da shomylý maýsymy bastalǵaly beri 34 adam sýǵa ketti
ÓSKEMEN. QazAqparat – Shyǵys Qazaqstan oblysynda bıylǵy shomylý maýsymy bastalǵaly beri 34 adam, onyń ishinde 9 bala sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha maýsym aıynan beri 34 adam sýǵa ketken. Qaıǵyly oqıǵalardyń negizgi sebebi – qaýipsizdik erejeleriniń saqtalmaýynan bolyp otyr.
Kóz jumǵandardyń 33-i jabdyqtalmaǵan jaǵajaılarda sýǵa túsken. Sondaı-aq olardyń beseýi mas kúıde shomylǵan. Al bir adam balyq aýlaý kezinde batyp ketti.
«Qutqarýshylar jazdyń alǵashqy kúninen bastap profılaktıkalyq sharalar, túrli aktsııalar ótkizip keledi. Balalar sýdaǵy qaýipsizdik erejelerine oqytylýda. Polıtseıler, eriktiler jumyldyrylyp halyq arasynda túsindirý jumystaryn júrgizýde. 5280 ret reıd uıymdastyryldy, demalýshylarǵa 86055 jadynama taratyldy. Bazalardyń ıelerimen jáne jergilikti atqarýshy organdarmen birlesip, azamattardyń qaýipsiz demalysyn qamtamasyz etý maqsatynda 33 memorandým jasaldy», - delingen habarlamada.
Aıta keteıik, búginde oblys aýmaǵynda 562 demalys bazasy bar. Onyń 76-sy ózen-kólder jaǵasynda ornalasqan.
