ShQO-da shomylý maýsymy bastalǵaly beri 31 adam sýǵa ketti
ÓSKEMEN. QazAqparat – Shyǵys Qazaqstan oblysynda sýǵa túsý maýsymy bastalǵaly beri 31 adam kóz jumǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar aldyn alý sharalaryn júrgizip jatqanyna qaramastan óńirde sýǵa batqandar tirkelýde.
«15 tamyz kúni keshki ýaqytta dostarymen Shúlbi sý qoımasyna shomylýǵa barǵan 27 jastaǵy er adam sýǵa ketti. Qutqarýshylar máıitti sol kúni jaǵadan 15 metrdeı qashyqtyqta tapty. Statıstıka kórsetkendeı, sýdaǵy qaıǵyly jaǵdaılar kóbinese adamnyń óz kinásinen bolyp jatady. Negizgi sebepterin atap aıtsaq: ruqsat etilmegen jerge shomylý, spırtti ishimdik iship sýǵa túsý jáne óz kúshin durys baǵalaı almaý», - dep habarlady vedomstvo ókilderi.
Shomylý maýsymy bastalǵaly beri oblys boıynsha 31 adam sýǵa batqan. Osy rette, TJ departamenti tekserilmegen jerge sýǵa túsý qaýipti ekenin, shomylǵan kezde jaǵalaýdan tym alysqa ketpeý kerektigin, sýyq sýǵa uzaq túspeı balalardy sý jaǵasynda qaraýsyz qaldyrmaý qajettigin eskertedi.
