ShQO-da shomylý maýsymy bastalǵaly 6 adam qutqaryldy
ShQO TJD baspasóz qyzmetiniń málimetine súıensek, qutqarýshylar demalýshylardyń qaýipsizdigin qamtamasyz etý maqsatynda ózen-kól jaǵalaýlaryn baqylaýda. Túrli oqıǵalarda olar jedel áreket etedi jáne zardap shekken adamdarǵa alǵashqy kómek kórsetedi. Bıylǵy shomylý maýsymy bastalǵaly beri 6 adam qutqarylǵan.
«Patrýldeý barysynda katermen, qaıyqpen birneshe shaqyrym júzip ótemiz. Keıde bir kúnde +35 gradýsqa deıingi temperatýrada 10 saǵat jumys isteýge týra keledi. Baqylaýdyń jıiligin kelýshilerdiń sanyna baılanysty da ózgertemiz. Demalys kúnderi, ystyq aýa raıynda jumysty kúsheıtemiz», - deıdi qutqarýshy Serikbaı Maqatov.
Jaǵajaı – qoǵamdyq oryn. Munda alkogoldi ishimdik ishýge tyıym salynady. Departament qyzmetkerleri polıtseılermen birlesip reıd júrgizý kezinde 371 adam ákimshilik jaýapkershilikke tartyldy.
«Ata-anasynyń qaraýynsyz demalatyn 14 jasqa deıingi balalarǵa nazardan tys qalmaıdy. Eger qutqarýshylar jaǵajaıda eresektersiz júrgen balalardy kórse, polıtsııaǵa habarlaýǵa jáne ata-analaryn shaqyrýǵa quqyly. Qaraýsyz bala qaýipti jaǵdaıǵa tap bolýy múmkin. Jyl basynan beri oblystyń sý aıdyndarynda 1 bala batyp ketti», - dep habarlady vedomstvo ókilderi.