ShQO-da shomylý maýsymy bastalǵaly 8 adam sýǵa batty
ÓSKEMEN. KAZINFORM – Shyǵys Qazaqstan oblysynda shomylý maýsymy bastalǵaly sý aıdyndarynda segiz adam kóz jumdy.
ShQO TJD baspasóz qyzmetiniń málimetinshe, shomylý maýsymy bastalǵaly beri qutqarýshylar oblys aýmaǵyndaǵy sý aıdyndarynda 1300-den astam ret reıdke shyqty. Sonyń barysynda demalýshylarǵa sýdaǵy qaýipsizdik qaǵıdalary túsindirilip, quqyq buzýshylyqtar anyqtaldy.
– Bizdiń basty maqsatymyz – azamattardy jaýapkershilikke tartý emes, jazataıym oqıǵalardyń aldyn alý. Sý jaǵasyna demalýǵa kelgen ár adamnyń aman-esen úıine oralǵanyn qalaımyz, – deıdi departament qyzmetkerleri.
Sý aıdyndaryndaǵy qaýipsizdik talaptaryn buzǵany úshin QR Ákimshilik quqyq buzýshylyq týraly Kodeksiniń 412-baby boıynsha osy ýaqytqa deıin 21 adam ákimshilik jaýapkershilikke tartylǵan.
Qutqarýshylar turǵyndardy tek arnaıy jabdyqtalǵan jaǵajaılarda shomylýǵa, balalardy qaraýsyz qaldyrmaýǵa, mas kúıde sýǵa túspeýge jáne shaǵyn kólemdi sý kólikterimen demalý kezinde mindetti túrde qutqarý keýdeshesin kııýge shaqyrdy.
Eske salsaq, osyǵan deıin Jambyl oblysynda sý aıdyndarynda qaýipsizdik talaptaryn buzǵan 49 adam jaýapqa tartylǵany habarlanǵan.
