ShQO-da Shnaıder kópirindegi apattan keıin basqarma basshysy qyzmetinen ketti

ÓSKEMEN. KAZINFORM — Shyǵys Qazaqstan oblysy jolaýshy kóligi jáne avtomobıl joldary basqarmasynyń basshysy Danııar Ýahıtov qyzmetinen bosatyldy.

— Bul sheshim oblys ákimi Nurymbet Saqtaǵanovtyń tapsyrmasyna sáıkes memlekettik qyzmetshiler arasyndaǵy sybaılas jemqorlyq táýekelderin joıý baǵytynda júrgizilip jatqan jumystar aıasynda qabyldandy. Shnaıder kópirindegi apattan keıin aımaq basshysynyń protokoldyq tapsyrmasymen quqyq qorǵaý organdarynyń qatysýymen tekseris júrgizildi. Sonyń qorytyndysy boıynsha basqarma basshysy Danııar Ýahıtovtyń zańǵa qaıshy áreketteri anyqtaldy, — dep habarlady ShQO ákimi baspasóz qyzmetinen.

Ákimdik málimetinshe, is boıynsha sońǵy quqyqtyq baǵany ýákiletti organdar beredi.

— Oblys ákimdigi ashyqtyqty qamtamasyz etý, tártipti nyǵaıtý jáne memlekettik qyzmetshilerdiń jaýapkershiligin arttyrý baǵytyndaǵy jumysty jalǵastyryp jatyr, — delingen aqparatta.

Eske salsaq, osy jyldyń qyrkúıek aıynda Óskemende qurylymynyń keıbir jerin sý basqan Shnaıder kópiri ishinara búlingeni habarlanǵan.