ShQO-da shilde aıynda aptap ystyq +35 gradýsqa deıin jetedi
ÓSKEMEN. KAZINFORM – Sınoptıkter Shyǵys Qazaqstan oblysynda shilde aıynyń kún raıy boljamyn jarııalady.
«Qazgıdromed» RMK málimetine súıensek, aılyq ortasha aýa temperatýrasy klımattyq normaǵa jaqyn bolady.
- Aıdyń basy birqalypty jyly bolmaq. Shildeniń alǵashqy onkúndiginde túngi temperatýra +7...+12 gradýstan +15...+20 gradýsqa deıin, kúndiz +19...+24 gradýstan +27...+32 gradýsqa deıin kóteriledi. Onkúndiktiń ekinshi jartysynda kún sál salqyndaýy múmkin, - delingen aqparatta.
Ekinshi onkúndikte aýa temperatýrasy qubylmaly bolady. Túnde +10...+20 gradýs, kúndiz +22...+32 gradýs aralyǵynda saqtalady.
- Eń ystyq kúnder aıdyń úshinshi onkúndiginde kútiledi. Shilde aıynyń sońyna qaraı aýa temperatýrasy +30...+35 gradýsqa deıin kóterilýi yqtımal. Alaıda aıdyń sońǵy kúnderinde kúndizgi temperatýra +24...+29 gradýsqa, túnde +12...+17 gradýsqa deıin tómendeıdi, - delingen habarlamada.
Shilde aıynda jaýyn-shashyn mólsheri klımattyq norma sheginde bolady dep boljanyp otyr. Aı boıy óńirde ótkinshi jańbyr men naızaǵaı jıi baıqalady.
Sondaı-aq sınoptıkter sekýndyna 15-20 metrge deıin jetetin qatty jel bolýy múmkin ekenin eskertti.
Eske salsaq, búgin eki megapolıste aýa sapasy nasharlaıtyndyǵy habarlanǵan.
