ShQO-da shıpajaı bar aýylda dáriger jetispeıdi
ShYǴYS QAZAQSTAN OBLYSY. QazAqparat - QR Parlament Májilisiniń depýtattary Shyǵys Qazaqstan oblysynda jumys saparymen júr, dep habarlaıdy QazAqparat tilshisi.
Depýtattar Baqytjan Ertaev, Álııa Saparova jáne Janat Omarbekova Shemonaıha aýdanyna qarasty Vydrıha aýylyndaǵy zeınetkerlerge arnalǵan «Ýba» shıpaıjaıyna bas suǵyp, sonda jınalǵan aýyl turǵyndarynyń muń-muqtajyn tyńdady.
Aýyl turyndary depýtattarǵa feldsherlik-akýsherlik bekette dáriger jetispeıtinin aıtyp shaǵymdandy. Bul shaǵymǵa aýyl ákimi Lıýbov Stýpenko jaýap berip, kúzge deıin jas dáriger taýyp ákelýge ýáde berdi. Turǵyndar qazirgi eńbekaqy mólsherine kóńilderi tolmaıtyndyqtaryn jetkizdi.
Turǵyndardyń talap-tilekterin muqııat tyńdaǵan depýtattar ár máseleni jiti zerdelep, sheshilýine kúsh salatyndaryn jetkizdi.
Kezdesýden keıin Májilis ókilderi aýyldaǵy bilim oshaǵy men akýsherlik bekettiń jaǵdaıymen tanysty.
