ShQO-da sheteldikterdiń kelgeni týraly habar bermegen 100-den astam adam jaýapqa tartyldy
ÓSKEMEN. QazAqparat – Shyǵys Qazaqstan oblysynda sheteldikterdiń kelgeni týraly habar bermegen 100-den astam adam jaýapqa tartyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Zańsyz kelýshi» jedel aldyn alý sharasyn júrgizdi.
Sonyń barysynda tranzıttik kólikter, jataqhanalar men qurylys jumystary júrgizilip jatqan nysandar baqylaýǵa alyndy. Sondaı-aq oblys aýmaǵynda ýaqytsha jáne turaqty turatyn shetel azamattary tirkelgen mekenjaılar, qabyldaýshy tulǵalardyń sheteldik qonaqtary týraly habarlamalarynyń bolýy tekserildi.
«Nátıjesinde, sheteldikterdiń kelgeni týraly quzyrly organǵa ýaqtyly habar bermegen 100-den astam shyǵysqazaqstandyq jaýapqa tartyldy. Sonyń biri Altaı aýdanynyń kásipkeri boldy. Oǵan QR ÁQBtK-niń 518-baby 3-bóligine sáıkes ákimshilik hattama toltyrylyp, 70 AEK kóleminde aıyppul salyndy», - dedi ShQO PD Kóshi-qon qyzmeti basqarmasy basshysynyń mindetin atqarýshy Rınat Shkıbaev.
