ShQO-da sheteldik kólikti zańdastyrýǵa ótinish bergen 150 adamnyń ekeýi ǵana jańa nómir aldy
«Azamattarǵa arnalǵan úkimet» memlekettik korporatsııasy ShQO fılıaly baspasóz qyzmetiniń málimetine súıensek, sheteldik avtokólikti tirkeý naýqany aıasynda Óskemende alǵashqy avtokólikter tirkeldi.
ShQO turǵyny Anastasııa Kýzmıcheva búgin 2022 jyly Reseı Federatsııasynan Óskemenge ákelingen kóligin tirkedi.
«Memleket bergen biregeı múmkindikti paıdalanyp otyrmyn. Bul halyqqa degen naǵyz qoldaý. Biz óte rızamyz. Kóligimdi zańdastyra alǵanyma óte qýanyshtymyn», - deıdi ol.
Búgingi tańda Shyǵys Qazaqstanda 150-den astam adam kóligin zańdastyrý boıynsha ótinish bildirdi. Olardyń 90-nan astamy birinshi kezeńniń maquldaýyn aldy. Ázirge jańa nómirdi tek 2 avtokólik ıesi tirkedi.
Kóptegen turǵynǵa zańdastyrýdan bas tartylǵan. Sebebi kólikti elge ákelý týraly aqparat tabylmady, kedendik málimetter boıynsha tekserý nátıjesi anyqtalmady.
Foto: «Azamattarǵa arnalǵan úkimet» memlekettik korporatsııasy ShQO fılıalynyń baspasóz qyzmeti