ShQO-da sheneýnikter qandastarǵa arnalǵan qarjyny jymqyrýdyń jolyn taýyp alǵan
ÓSKEMEN. KAZINFORM — ShQO prokýratýrasy bıýdjet qarajatyn urlaý shemalaryn anyqtady.
Shyǵys Qazaqstan oblysynyń prokýratýrasy adamdardy erikti túrde qonys aýdarý qaǵıdasynyń saqtalýyn tekserý barysynda basqa elderden azamattardy kóshirý úshin turǵyn úı satyp alýǵa bólingen bıýdjet qarajatyn urlaýdyń qylmystyq shemasyn anyqtady.
Bul qarajattyń jalǵan satyp alý-satý kelisimderi jáne úı satýshylarmen sóz baılasý arqyly qolma-qol aqshaǵa aınaldyrylyp, urlanǵany anyqtaldy.
Keıbir jaǵdaılarda urlyq mansap ortalyqtarynyń laýazymdy tulǵalarynyń qatysýymen júzege asqan.
Máselen, 2024 jyldyń basynda Mońǵolııadan qonys aýdarǵan úsh otbasy jalpy somasy 18 mln teńge turǵyn úı satyp alýǵa kelisimshart jasasa, onyń 9 mln teńgesin qonys aýdarýshylar kelisimshartqa qol qoıǵanǵa deıin tólegen-mis, al qalǵan somany ortalyq satýshylardyń esepshotyna aýdarǵan.
Sodan keıin satýshylar aqshany qolma-qol aqshaǵa aınaldyryp, ony qonys aýdarǵandarǵa qaıtardy, olar jeke qajettilikterine, sonyń ishinde kólik satyp alýǵa jumsady.
Taǵy bir jaǵdaıda qonys aýdarýshy 8 mln teńge somasynda úıdi satyp alý-satý shartyn jasasqan, onyń 4 mln teńgesi ekonomıkalyq utqyrlyq sertıfıkaty arqyly tólengen.
Sonymen birge, satyp alynǵan úı qırap, turýǵa jaramsyz ekeni, aqshany zańsyz alý maqsatynda jalǵan kelisimshart jasalǵany anyqtaldy.
Osy faktiler boıynsha oblys prokýratýrasy sotqa deıingi tergeý bastady.
Tergeý múddesi úshin qatysqan tulǵalar týraly aqparat jarııalanbaıdy.
