ShQO-da shekteý sharalary 30 jeltoqsanǵa deıin uzartyldy
ÓSKEMEN. QazAqparat – Shyǵys Qazaqstan oblysynda shekteý sharalary 30 jeltoqsanǵa deıin uzartyldy, dep habarlaıdy QazAqparat tilshisi.
ShQO Bas memlekettik sanıtarlyq dárigeri mindetin atqarýshynyń jańa qaýlysy jarııalandy. Onda jazylǵandaı, óńirdegi karantındik shekteýler 30 jeltoqsanǵa deıin qaıta sozyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
«Qoǵamdyq tamaqtaný oryndary otbasylyq, ujymdyq sharalardy ótkizbeı, bir ústelge 4-6 adamnan ǵana otyrǵyzyp, kórshiles ústelderdiń shetki oryndary arasynda keminde 2 metr áleýmettik qashyqtyqty saqtap jumys isteıdi. Mereke jáne senbi kúnderi sýpermarketterge, gıpermarketterge, saýda úılerine toltyrylýy 30%-dan aspaǵan jaǵdaıda, balalar oıyn alańdary men attraktsıondardy ashpaı jumys isteı alady», - delingen qujatta.
Rıdder qalasynda, Glýbokoe jáne Altaı aýdandarynda ornalasqan bazarlardy qospaǵanda ǵımarat ishinde jáne ǵımarattan tys ornalasqan azyq-túlik bazarlarynyń jumysyna saǵat 07.00-den 19.00-ge deıingi aralyqta ruqsat etildi.
Sondaı-aq jalpy aýdany 2000 sharshy metrden asatyn azyq-túlik taýarlaryn satatyn saýda obektileri táýlik boıy jumys isteıtin bolady.
