ShQO-da shekteý sharalary 20 naýryzǵa deıin uzartyldy
ShQO bas memlekettik sanıtar dárigeriniń jańa qaýlysy jarııalandy. Onda jazylǵandaı, óńirdegi shekteý sharalary 20 naýryzǵa deıin uzartyldy.
«Banket zaldarynda kúsheıtilgen sanıtarlyq-dezınfektsııalyq rejımdi, termometrııany, maskalyq rejımdi jáne áleýmettik qashyqtyqty saqtaı otyryp, toltyrylýy 30%-ǵa deıin, biraq 50 adamnan aspaǵan kezde tek eske alý rásimderin ótkizýge ǵana ruqsat etiledi. Mektepke deıingi mekemelerde birneshe top búldirshinderin biriktiretin is-sharalardy ótkizýge tyıym salynǵan», - delingen qujatta.
Oqytý formatyna qatysty aıtar bolsaq, jalpy bilim beretin mektepterde 0-5 synyp aralyǵynda, halyqaralyq mektepterde 1 synyptan 7 synypqa deıin qosa alǵanda, ár synypta 25 oqýshyǵa deıin sabaq júrgiziledi. Al joǵary synyptaǵylar (9, 11 12) aptanyń 6 kúni ishinde aralas formatta oqıdy: pánderdiń 70%-y shtattyq rejımde, 30%-y qashyqtan oqytylady.
«Bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa bolady. Al kolledjderdiń, joǵary oqý oryndarynyń I kýrs stýdentterin shtattyq rejıde oqytý jalǵastyrylady», - delingen qaýlyda.
