ShQO-da shekteý sharalary 2 sáýirge deıin uzartyldy

ÓSKEMEN. QazAqparat – Shyǵys Qazaqstan oblysynda karantındik shekteýler 2 sáýirge deıin uzartaldy, dep habarlaıdy QazAqparat tilshisi.

ShQO Bas memlekettik sanıtarııalyq dárigeriniń jańa qaýlysy jarııalandy. Onda jazylǵandaı, óńir boıynsha karantın 2 sáýirge deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

Búginde COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń toltyrylý deńgeıi – 2,7%. Oblys boıynsha ınfektsııanyń reprodýktıvtik R sany – 0,954 quraǵan.

«Osyǵan deıin jaryq kórgen qaýlyda «Teatrlar men kınoteatrlardyń toltyrylýy 30 paıyzdan aspaǵan jaǵdaıda bir ýaqytta 100 adamnan aspaýy kerek» dep jazylǵan bolatyn. Al bul qujatta «100 adam» degen sóz alynyp tastaldy. ıAǵnı, endi teatrlar men kınoteatrlar jalpy syıymdylyǵyn 30 paıyzdan asyrmaı kórermenderdi qabyldaı alady», - dep túsindirdi ShQO Sanıtarııalyq epıdemııalogııalyq baqylaý departamentiniń jurtshylyqpen baılanys jónindegi bas mamany Baǵlan Taýanova.

Esterińizge sala ketsek, osyǵan deıin Shyǵys Qazaqstanda karantın talaptaryn saqtamaıtyndardyń áli de anyqtalyp jatqandyǵyn habarlaǵan bolatynbyz.