ShQO-da shekteý sharalary 18 qańtarǵa deıin uzartyldy
ÓSKEMEN. QazAqparat – Shyǵys Qazaqstan oblysynda karantındik shekteýler 18 qańtarǵa deıin uzartyldy, dep habarlaıdy QazAqparat.
ShQO Bas memlekettik sanıtarlyq dárigeri mindetin atqarýshynyń jańa qaýlysy jarııalandy. Onda óńirdegi karantındik shekteýler 18 qańtarǵa deıin qaıta sozylatyndyǵy kórsetilgen. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
«2021 jyldyń 6 qańtarynan bastap oblys aýmaǵynda jolaýshylar tasymaldaıtyn avtobýstar men shaǵyn avtobýstar qaıta qatynaı bastaıdy. Sondaı-aq 2020-2021 oqý jylynyń úshinshi toqsanynan bastap 300 oqýshysy bar qalalyq jáne aýyldyq mektepterde dástúrli formatta bilim berýge ruqsat etiledi. Ár synypta 15 oqýshydan aspaý kerek», - delingen qujatta.
Jalpy bilim beretin mektepterde 1-den 5 synypqa deıin, halyqaralyq mektepterde 7 synypqa deıin kezekshi synyptar oqıdy. Al 9, 11 (12) synyptar aptanyń 6 kúninde pánderdiń 70%-yn shtattyq rejımde, 30%-yn qashyqtan oqıdy.
Budan bólek, qaýlyda ekinshi semestrden bastap kolledjder men joǵary oqý oryndarynyń I kýrs stýdentteri shtattyq rejımde oqıtyndyǵy jazylǵan.
