ShQO-da shekaralyq aýdandy damytý úshin bıyl 50-den astam shara júzege asady
Bul týraly aýdan ákimi Dýlat Qajanov «Memleket basshysynyń tapsyrmalary sheńberinde Zaısan aýdanynyń áleýmettik-ekonomıkalyq damýy» taqyrybynda ótken baspasóz konferentsııasynda aıtty.
«Oblys ákimi Danıal Ahmetovtyń tapsyrmasymen shekaralyq aýdandy keshendi damytýdyń arnaıy baǵdarlamasy qabyldanǵan. 5 jyldyń ishinde barlyǵy 19,5 mlrd teńge bólinedi dep kózdelip otyr. Onyń ishinde 2021-2022 jyldary 6,9 mlrd teńgege jumystar atqaryldy. Jalpy osy jyly 3,7 mlrd teńgege 52 shara óz máresine jetpek. Búgingi tańda 22-si aıaqtalyp, 30-y oryndalý satysynda», - dedi ol.
Baǵdarlama aıasynda jeke turǵyn úılerge arnalǵan elektr, gaz, sý júıeleri ınfraqurylymdaryn salý, 300 oryndyq mektep qurylysy, sý jelilerin jóndeý jumystary, aýyldardy abattandyrý, 5 bilim, 1 densaýlyq saqtaý, 1 mádenıet salasyndaǵy ǵımaratty kúrdeli jáne aǵymdaǵy jóndeýden ótkizý jumystary atqarylyp jatyr.
Sondaı-aq «Aýyl – el besigi» baǵdarlamasy aıasynda Keńsaı, Baqasý, Jarsý, Qaratal, Úlken Qaratal jáne Kógedaı aýyldarynyń kósheleri jóndeýden ótti.
Bul maqsatta 350 mln teńge bólingen.
«Halyqtyń baspana máselesin sheshý jumystary jalǵasýda. Bıyl 9812 sharshy metr turǵyn paıdalanýǵa beriledi. «Birqabatty Shyǵys» baǵdarlamasy sheńberinde az qamtylǵan jáne kópbalaly otbasylar úshin ekipáterli 35 úıdiń qurylysyn júrgizý úshin jeke ınvestorlarmen kelisimshart jasastyq. Qazir olarǵa tıisti jer telimderi berildi», - deıdi Dýlat Qajanov.
