ShQO-da shashtaraz, mehanık, dánekerleýshi men júrgizýshiler jarysqa túsedi
ÓSKMEN. QazAqparat - Óskemende shashtaraz, mehanık, dánekerleýshi men júrgizýshiler jarysqa túsedi. Bul týraly búgingi «WorldSkills Shygys - 2019» aımaqtyq chempıonatyn ótkizý jónindegi brıfıngte aıtyldy, dep habarlaıdy QazAqparat tilshisi Altaynews.kz saıtyna silteme jasap.
Atap aıtqanda, jumysshy mamandyqtary boıynsha jastar arasyndaǵy aımaqtyq kásibı sheberlik chempıonaty bastalýǵa jaqyn.
«WorldSkills Shygys» tórtinshi ret ótkeli tur. 14 mamyr kúni shyǵystyń bas shaharynda bastalatyn chempıonat úsh kúnge jalǵaspaq. Jeńimpazdar respýblıkalyq dodaǵa joldama alady. Ol jerde úzdik shyqsa, jas mamandarǵa Tatarstan astanasy Qazanda ótetin álem chempıonatynda el namysyn qorǵaýǵa jol ashylyp otyr.
«Bizdiń óńirdiń jastary shyn máninde bilimdi, bilikti. Sózimizge ótken jylǵy chempıonat qorytyndysy dálel. Álemdik dodada 8 órenimizdiń jeńiske jetkenin bilesizder. Sol sebepti barlyǵy bizdiń aımaqtan úlken nátıje kútedi. Ekinshi qyrynan, biz jumysshy mamandyqtarynyń bedelin arttyryp, jastardyń óz isiniń sheberi bolyp qalyptasýyna zor yqpal etýdemiz», - deıdi ShQO ákiminiń orynbasary Ásem Núsipova.
