ShQO-da sharýalar zańsyz alǵan sýbsıdııalardy qaıtaryp jatyr
Bul týraly oblystyq prokýratýranyń alqa otyrysynda aıtyldy. Aýyl sharýashylyǵyn sýbsıdııalaý kezinde zańdylyqtyń saqtalýyna tekserý júrgizgen quzyrly organ birqatar júıeli problemalardy anyqtaǵan.
«Tekserý barysynda kásipkerlerdiń quqyqtaryn buzý faktileri anyqtaldy. Atap aıtqanda, kún panelderin satyp alǵan qojalyqtarǵa sýbsıdııalardy berý máselesi uzaq ýaqyt sheshilmegen. Jergilikti atqarýshy organdar dotatsııalardy zańsyz alý shemasyn paıdalanǵan birneshe kásipkerdi zań oryndaryna kórsetken. Alaıda, sonyń kesiri ózgelerge tıgen. ıAǵnı, shalǵaıdaǵy sharýashylyqtarǵa kún panelin ornatqysy kelgen ózge kásipkerlerge de múmkindik berilmegen», - deıdi oblystyq prokýratýranyń baspasóz hatshysy Ásel Momynjanova.
Sondaı-aq sýbsıdııa alý úshin bótenniń malyn kórsetken 4 sharýa qojalyqtyń áreketi áshkerelengen. Qazir olarǵa qarsy sotqa deıingi tergeý bastalǵan.
«Tekserý barysynda, asyl tuqymdy mal ósirý boıynsha dotatsııa alýshylardyń mindettemelerin buzý faktileri anyqtaldy. Oblys boıynsha 261 sharýa qojalyǵy 78 mln teńge somasyna jasalǵan kelisimniń sharttaryn oryndamaǵan. Prokýratýra atalmysh qarajatty memleketke qaıtarýǵa áreket jasap jatyr. Búgingi tańda 97 kásipker óz erkimen 13 mln teńge qaıtardy. Sotqa 26 sharýa qojalyqtyń isi jiberilmek. Olardan basqa 13 talap-aryz sottyń qaraýynda jatyr», - deıdi prokýratýra ókili.
Onyń aıtýynsha, salada salyqtan jaltarý faktileri da tirkelgen.
«78 kásipker jyldyq jıyntyq tabysynda 400 mln teńgeden astam sýbsıdııa somasyn kórsetpegen. Osylaısha, salyqtan jaltarǵan. Al keıbir kásiporyndar óz jumysshylaryna zeınetaqy tólemderin aýdarmaǵan. Salyq organdary túspegen salyq pen zeınetaqy tólemderin óndirý boıynsha sharalar qabyldap jatyr. Qazir onyń 14,5 mln teńgesi qaıtaryldy», - deıdi Ásel Momynjanova.