ShQO-da sharýa qojalyǵyndaǵy órt 8 saǵattyń ishinde sóndirildi
ASTANA. QazAqparat - Keshe ShQO Jarma aýdanyndaǵy sharýa qojalyǵy aýmaǵynda órt shyǵyp, tilsiz jaý 50 tonna shóp pen 45 gektar qurǵaq shópti sharpydy, dep habarlaıdy «QazAqparat» HAA oblystaǵy TJ departamentiniń baspasóz qyzmetine silteme jasap.
«Jalyn qurǵaq shóp arqyly tarap, órt shabyndyqtar men daıyndalǵan shóp býmalaryn joıdy. Turǵyn úılerge qaraý soqqan qatty jel de jaǵdaıdy ýshyqtyryp jiberdi», - delingen habarlamada.
Oqıǵa ornyna jetken órt sóndirýshiler men áskerı qyzmetkerler órtti aýyzdyqtap, ottyń turǵyn úılerge jetýine jol bermedi. Tilsiz jaýmen kúres segiz saǵatqa sozyldy, shóptiń jartysy saqtalyp qaldy. Zardap shekkender joq. Órttiń shyǵý sebebi men kináliler, keltirilgen shyǵyn esebi anyqtalyp jatyr.
