ShQO-da shahtada jumysshy qaza boldy

ÓSKEMEN. QazAqparat – Shyǵys Qazaqstan oblysy Shemonaıha aýdanyndaǵy shahtada jumysshy kóz jumdy, dep habarlaıdy QazAqparat tilshisi.

Oqıǵa mys óndiretin KAZ Minerals kompanııasynyń Shemonaıha aýdanyndaǵy Artemev shahtasynda bolǵan. Burǵylaýshynyń kómekshisi bolyp jumys isteıtin er adam óli kúıinde tabyldy.

«Onyń naqty neden qaza bolǵany ázirge belgisiz. Osyǵan baılanysty arnaıy komıssııa qurylyp, quramyna kompanııa mamandary, memlekettik jáne quqyq qorǵaý organdarynyń qyzmetkerleri kirdi. Ólimge ne sebep bolǵanyn sol komıssııa anyqtaıdy» - dedi KAZ Minerals toby korporatıvtik baılanys departamentiniń menedjeri Ermek Dúzkenev.

Onyń aıtýynsha, KAZ Minerals toby basshylyǵy men ujymy marqumnyń týystary men jaqyndaryna kóńil aıtady. Kompanııa onyń otbasyna qajetti kómek kórsetedi.