ShQO-da sel qaýpi bar ýchaskelerge tikushaqpen barlaý júrgizilýde
ShQO Tótenshe jaǵdaılar departamenti baspasóz qyzmetiniń málimetine súıensek, jyl saıyn qutqarýshylar men «Qazseldenqorǵaý» Shyǵys Qazaqstan oblystyq fılıalynyń mamandary sel qaýpi bar ýchaskelerge baqylaý júrgizedi. Osy maqsatta olar úsh myń metr bıiktikke kóteriledi.
Úrjar jáne Zaısan aýdandarynyń aýmaǵynda ornalasqan 18 muzdaqty kólge, sondaı-aq Tarbaǵataı aýdanyndaǵy sel jaǵdaıyna tikushaqpen barlaý júrgizildi. Belgili bolǵandaı, taýlarda jınalǵan qar mólsheri qaýip tóndirmeıdi.
«Budan bólek, árbir ýchaskede batımetrııalyq jumystar qolǵa alyndy. Bul sel qaýpiniń egjeı-tegjeıin qadaǵalaýǵa múmkindik beredi. Eń qaýipti kezeń – maýsym aıy. Jazǵa qaraı muzdaqty kólderdegi sý deńgeıi kóteriledi, serpilis qaýpi bar. Sondyqtan bizdiń mindetimiz osy sátti ýaqytynda qadaǵalaý», - dep túsindirdi ShQO TJD Tótenshe jaǵdaılardyń aldyn alý basqarmasynyń bastyǵy Alekseı Shtykel.
Onyń aıtýynsha, zertteý barysynda kóshkin men sel aǵyndarynyń izderi anyqtalǵan joq.
