ShQO-da segiz aıda esirtkige qatysty 120 qylmystyq is sotqa joldanǵan

ÓSKEMEN. KAZINFORM – Shyǵys Qazaqstan oblysynda jyl basynan beri esirtki aınalymyna qatysty 120 qylmystyq is sotqa joldanǵan. 

ShQO Prokýratýrasy baspasóz qyzmetiniń málimetine súıensek, óńir boıynsha esirtki aınalymyna qatysty qylmys sany azaıyp keledi.

«Oblys prokýratýrasynda ShQO Polıtsııa departamenti basshylyǵynyń qatysýymen vedomstvoaralyq jedel keńes ótkizilip, onda esirtki bıznesine qarsy kúres máseleleri talqylandy. Osy jyldyń 7 aıyndaǵy quqyq qorǵaý organdarynyń jumysynyń qorytyndysy boıynsha esirtkiniń zańsyz aınalymyna qatysty tirkelgen qylmystar ótken jylmen salystyrǵanda 5,8%-ǵa nemese 191-den 180-ge deıin tómendegen», - delingen aqparatta.

Barlyǵy 120 qylmystyq is sotqa joldanyp, 61 adam sottalǵan.

«Bul saladaǵy qylmystyq ahýaldy eskere otyryp, polıtsııa basshylaryna óńirdegi esirtkiniń taralýyna qarsy is-qımyl sharalaryn qabyldaý jóninde tapsyrmalar berildi. Osy baǵyttaǵy jumys baqylaýda», - delingen habarlamada.