ShQO-da segiz jasar balany at taptap ketti
ASTANA. QazAqparat - Shyǵys Qazaqstan oblysynyń Aıagóz qalasynyń mańyndaǵy aýylda bala at tuıaǵynan zardap shekti.
Atqorada jylqy áýeli balany teýip, sodan keıin tuıaǵymen taptaı bastaǵan, dep habarlady YK-news.kz.
Ana men bala ortalyǵynyń neırohırýrgııa bólimindegi dárigerlerdiń aıtýynsha, kómek surap shyńǵyrǵan aıqaıǵa úıden ata-analary shyqqan. Ákesi men anasy jylqyny qýyp tastap, jedel járdem shaqyrdy. Dárigerler balany áýeli Aıagóz aýdandyq aýrýhanasyna, odan keıin tikushaqpen oblys ortalyǵyna jetkizdi. Bas súıegi, buǵanasy synǵan balany birden operatsııaǵa jatqyzdy. Qazir onyń jaǵdaıy qalypty, degenmen oǵan taǵy bir operatsııa jasalýy tıis.
