ShQO-da saıajaıdyń shatyryna jaı túsip, órtep jiberdi
NUR-SULTAN. QazAqparat - Glýbokov aýdanynda saıajaıdyń tóbesine jaı túsip, órtep jiberdi, dep habarlaıdy QazAqparat Shyǵys Qazaqstan oblysynyń Tótenshe jaǵdaılar departamentine silteme jasap.
Oqys oqıǵa «ıAblonka» saıajaı alabyndaǵy Kojohov aýylynda boldy. Kórshileri saıajaıdyń tóbesine jaı túskenin kórgen. Abyroı bolǵanda, úıdiń ishinde eshkim bolmaǵan.
Oqıǵa ornyna aldymen №23 órt sóndirý bólimshesiniń qyzmetkerleri jetti.
«Mansarda tıpindegi úıdiń tóbesi janǵysh materıaldarmen qaptalǵandyqtan, jalyn jyldam taraǵan. Bizdiń mindetimiz órttiń jan-jaqqa taraýyna jol bermeý edi. 45 mınýttyń ishinde órt sóndirildi, biraq úıdiń tóbesi tolyp janyp ketken edi», - deıdi №23 Órt sóndirý bólimshesi bastyǵynyń orynbasary Aslan Ybyraev.
№23 bólimshege kómektesýge Joǵarǵy Berezovka kentindegi №37 bólimsheniń qyzmetkerleri keldi.
Qazir keltirilgen shyǵyn kólemi anyqtalyp jatyr.
