ShQO-da saıajaı ıesiniń áreketi dala órtine soqtyrdy
ÓSKEMEN. QazAqparat - Shyǵys Qazaqstannyń Glýbokoe aýdanynda saıajaıdyń tútini 170 gektarlyq dala órtine sebepker boldy, dep habarlaıdy QazAqparat tilshisi.
Glýbokoe aýdanynyń Kojohov aýylynyń shetinde bastalǵan órt 170 gektar aýmaqty qamtyǵan. Ony aýyzdyqtaýǵa tótenshe jaǵdaı qyzmetiniń ókilderinen bólek 300-ge jýyq erikti jumyldyryldy.
«Órtti aýyzdyqtaýǵa jeke quramnyń 36 mamany tartyldy. 300-ge jýyq erikti kómektesti. Jergilikti sharýa qojalyqtary tehnıkalaryn usyndy. Jerdiń tastaqty ári buta-qaraǵandy bolýy kóp kedergi keltirdi», - deıdi aýdandyq tótenshe jaǵdaı bóliminiń basshysy Alekseı Ogradov.
Qyzyl jalyndy aýyzdyqtaýǵa 12 saǵat ýaqyt ketken. Degenmen, órt ushqyny áli qylań berip, qaýip tóndirýde. Qazir órt shalǵan aýmaqqa órt sóndirýshilerden kúzet qoıyldy.
