ShQO-da sáýir aıy bastalǵaly 30-dan astam dala órti tutandy

ÓSKEMEN. QazAqparat – Shyǵys Qazaqstan oblysynda sáýir aıynyń basynan 30-dan astam dala órti tirkeldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda sáýir aıynda órt qaýpi joǵary kezeń bastaldy. Sol ýaqyttan beri 30-dan astam dala órti tirkelgen.

«Órt qaýpi joǵary kezeńde orman jáne dala órtteriniń aldyn alý úshin is-sharalar jospary bekitilip, birlesken reıdter júrgizý úshin azamattyq qorǵaý qyzmetkerleri qatarynan mobıldi toptar quryldy. «Geosat» JShS arqyly ǵaryshtan monıtorıng júrgizilip, qutqarýshylar jalyn shyqqan jerlerge birden jol tartýda. Órt kóbinese ashyq aýmaqta jáne saıajaılarda shyǵyp jatyr», - delingen aqparatta.

Orman órtterin der kezinde aýyzdyqtaýǵa basa mán berilgen. Búgingi tańda oblysta jergilikti atqarýshy organdar qaramaǵyndaǵy orman sharýashylyqtarynyń 70 paıyzy órtke qarsy tehnıkamen jáne jabdyqtarmen jasaqtalǵan.

Osy rette, ShQO TJD órt qaýipsizdigi erejelerin buzǵandarǵa 20 AEK mólsherinde aıyppul salynatyndyǵyn eskertedi.