ShQO-da sanıtarlyq ushaqtyń qozǵaltqyshy isten shyǵyp, qaıta qonýǵa májbúr boldy

NUR-SULTAN. QazAqparat - 2021 jylǵy 8 aqpanda Óskemen-Zaısan baǵytynda AKZ1222 sanıtarlyq reısimen ushyp shyqqan An-2 ushaǵy qaıta qonǵa májbúr boldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

«Ushqysh áýe kemesiniń qozǵaltqyshynyń isten shyqqanyn habarlady. Ushaq Óskemen qalasynan ońtústikke qaraı 23 shaqyrym jerdegi avtomobıl jolyna májbúrli túrde qondy. Zardap shekkender joq. Ushaq ta zaqymdanbaǵan. Bortta ekıpajdyń 3 adamy jáne 2 medıtsına qyzmetkeri boldy. QR Indýstrııa jáne ınfraqurylymdyq damý mınıstrliginiń Áýedegi oqıǵalardy tekserý basqarmasynyń ókilderi oqıǵa bolǵan jerge attandy»,-delingen habarlamada.