ShQO-da sanıtarlyq talaptardy saqtamaǵan 90 nysan anyqtaldy
ÓSKEMEN. QazAqparat – Shyǵys Qazaqstan oblysynda qazan aıynyń basynan beri sanıtarlyq talaptardy saqtamaǵan 90-nan astam nysan anyqtaldy, dep habarlaıdy QazAqparat tilshisi.
ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetine súıensek, arnaıy qurylǵan monıtorıngtik toptardyń oblystyq ákimdik jáne ShQO Polıtsııa departamentimen kelisilgen qazan aıyna arnalǵan jumys kestesi jasalǵan.
«1-18 qazan aralyǵynda oblysta 412 reıd júrgizilip, 5123 obekt qamtyldy. Sanıtarlyq erejelerdi saqtamaı jáne QR Ákimshilik quqyq buzýshylyq týraly kodeksiniń 425-baby 1-bóligi boıynsha zańbuzýshylyqtarǵa jol bergen 90 nysan basshysyna aıyppul salyndy. Monıtorıngtik toptyń jumysy jalǵasýda», - delingen habarlamada.
Aıta keteıik, oblystaǵy 19 qala men aýdanda 46 monıtorıngtik top qurylǵan. Onyń quramyna Taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandary, polıtsııa qyzmetkerleri, jergilikti atqarýshy organ jáne «Atameken» UKP ókilderi kiredi.
