ShQO-da sanıtarlyq normalardy saqtamaǵan 300-den astam nysan anyqtaldy
ÓSKEMEN. QazAqparat – Shyǵys Qazaqstan oblysynda arnaıy qurylǵan mobıldi toptar karantın shekteýi jeńildetilgennen keıin jumysyn qaıta bastaǵan nysandarda sanıtarlyq-epıdemıologııalyq qaýipsizdik talaptarynyń saqtalýyn tekserip jatyr, dep habarlaıdy QazAqparat tilshisi.
Oblystyq Taýarlar men qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, 18-31 mamyr aralyǵynda Óskemen men Semeı qalalaryndaǵy jáne oblystyń 17 aýdanyndaǵy 1 722 obektige reıd júrgizilgen. Onyń ishinde 737 dúken, 583 azyq túliktik emes saýda orny, 145 dámhana, 98 saýda úıi, 39 shashtaraz, 27 dárihana qamtyldy. Sonymen qatar tekserý kezinde 51 nysannyń jumys istemeı turǵandyǵy anyqtalǵan.
«336 obektide 435 zańbuzýshylyq anyqtaldy. Naqty aıtqanda, sanıtarlyq-dezınfektsııalyq rejımniń buzylýy – 144, kelýshiler arasyndaǵy áleýmettik qashyqtyqtyń buzylýy – 53, maska rejımin buzý jáne jeke qorǵanys quraldarynyń joqtyǵy – 12», - delingen habarlamada.
Áýeli barlyq kásip ıelerine eskertý jasalyp, túsindirý jumystary júrgizildi. Qaıta tekserý barysynda barlyq kemshiliktiń túzetilgeni belgili boldy.
