ShQO-da sanıtarlyq erejelerdi buzǵan 695 adamǵa aıyppul salyndy
ÓSKEMEN. QazAqparat – Shyǵys Qazaqstan oblysynda qazan aıynan bastap sanıtarlyq erejelerdi buzǵan 695 adamǵa aıyppul salyndy, dep habarlaıdy QazAqparat tilshisi.
ShQO Aqparat ortalyǵynyń málimetine súıensek, qazan aıynyń basynan beri oblys aýmaǵynda monıtorıngtik toptardyń jumysy kúsheıtilgen.
«Canıtarlyq normalardyń saqtalýyn baqylaý úshin óńirdegi 19 qala men aýdanda 46 monıtorıngtik top qurylǵan. Olardyń quramyna taýarlar men kórsetiletin qyzmetterdiń sapasy men qaýipsizdigin baqylaý basqarmalarynyń mamandary, jergilikti atqarýshy organ ókilderi jáne polıtsııa qyzmetkerleri kirdi. 1 qazan men 8 qarasha aralyǵynda Shyǵys Qazaqstanda 1794 reıd júrgizilip, 5 myńǵa jýyq nysan qamtylǵan», - delingen habarlamada.
Sanıtarlyq ereje talaptaryn buzýshylarǵa qatysty jalpy somasy 75,3 mln teńgege 695 aıyppul salynǵan. Monıtorıngtik toptardyń jumysy jalǵasýda.
