ShQO-da saq patshasy jylqysynyń altyn áshekeıleri tabyldy
ShQO ákimdiginiń málimetine súıensek, óńir aýmaǵynda qazba jumystaryn júrgizip jatqan arheolog Zeınolla Samashevtyń toby kezekti ret ǵylymı jańalyq ashyp otyr. Ǵalymdar Kúrshim aýdanyndaǵy obany qazý barysynda at ábzeline arnalǵan altyn áshekeılerdi tapty.
«Jylqynyń saq taıpasynan shyqqan patshaǵa tıesili bolǵany anyqtalyp otyr. Bul – erekshe ádemi áshekeı. Ókinishke qaraı, qorǵannyń ózi tonalǵan bolyp shyqty, biraq eki jasyryn orny saqtalǵan. Sondaı-aq alǵash ret metall úzeńgi tabyldy, onda baryspen ań aýlaý sáti beınelengen. Atalǵan jádigerler Óskemendegi murajaıǵa qoıyldy», - dedi oblys ákimi Danıal Ahmetov.
Budan bólek, arheologtar mýzykant-jaýyngerdiń keskin-kelbetin jáne ejelgi mýzykalyq aspaptardy qalpyna keltirdi. Olar Tarbaǵataı aýdany Eleke sazy alqabyndaǵy qorǵandardyń birinen tabylǵan bolatyn.
«Qazba jumystary áli de jalǵasyp jatyr. Qyrkúıek aıynda «Altaı – túrki áleminiń altyn besigi» halyqaralyq forým ótkiziledi. Shyǵys Qazaqstannyń baıyrǵy tarıhy men arheologııasy álemniń ozyq ǵalymdaryn tańǵaldyryp, tánti etýde», - dedi aımaq basshysy.
