ShQO-da saǵatyna 30 MVt tok óndiretin kún elektr stansasy salynyp jatyr
ÓSKEMEN. QazAqparat - Shyǵys Qazaqstannyń Jarma aýdanynda kún elektr stansasy salynyp jatyr, dep habarlaıdy QazAqparat tilshisi.
Balama energııa úlesin arttyrý maqsatynda qolǵa alynǵan jobanyń quny 17,5 mlrd teńge. Qytaıdan ınvestıtsııa tartyp otyrǵan «Jańǵyz solar» kompanııasy óndirgen energııany «KEGOK», «ShQ REK» AQ arqyly el aýmaǵyna taratady. Joba 2017 jyly qolǵa alynǵan, 2019 jyldyń shilde aıynda aıaqtalýy tıis.
«Jobany memlekettik saraptamadan ótkizip boldyq. Barlyq smetalyq qujattary, tehnıkalyq-ekonomıkalyq negizdemesi daıyn. Kún panelderi qoıylatyn 66 gektar aýmaq qorshaldy. Elektr magıstraline tok beretin qosalqy stansanyń irgetasyn qalap jatyrmyz. Nysan jobalyq qýatyna tolyq engennen keıin jylyna 45 mln MVt elektr energııasyn óndiredi»- deıdi joba jetekshisi Hýadje ıAn.
Jańǵyztóbe kentinde budan bólek 2 jel elektr stansasyn salý josparlanyp otyr.
«Munda búkil oblysqa elektr taratyp turǵan torap bar. Investordyń bári sondyqtan bizdiń kentti tańdaıdy», -deıdi ken ákimi Qaıyrǵazy Zakımov.
Bul nysan iske qosylǵanda oblysta óndiriletin energııanyń 2 paıyzy balama kózden alynatyn bodady degen boljam bar.
