ShQO-da sábıimen jolda qalǵan áıel tikushaqpen aýrýhanaǵa jetkizildi
ÓSKEMEN. KAZINFORM – Shyǵys Qazaqstan oblysynda jolda qalǵan anasy men sábıi tikushaqpen aýrýhanaǵa jetkizildi.
ShQO ákimi baspasóz qyzmetiniń málimetine súıensek, búgin sanavıatsııa dárigerleri Abaı oblysy aýmaǵynda qalyp qalǵan jas ana men sábıin Óskemendegi aýrýhanaǵa jetkizdi.
Tarbaǵataı aýdanynyń 21 jastaǵy turǵyny Óskemen qalasynan taksımen jolǵa shyqqan. Alaıda sý deńgeıi kóterilip, jol jabylǵandyqtan Abaı oblysy Kókpekti aýdany Tassaı aýylynda qalyp qoıǵan. Ózin jaısyz sezinip, densaýlyǵyna alańdaǵandyqtan dárigerlerge júgingen.
«Tańǵy ýaqytta anasy men balasy tikushaqpen Óskemenge jetkizilip, oblystyq aýrýhananyń gınekologııa bólimine jatqyzyldy. Al sábı Ana men bala ortalyǵynda dárigerler baqylaýynda. Ómirlerine esh qaýip tónip turǵan joq», - delingen aqparatta.
