ShQO-da sábı ydystaǵy sýǵa tunshyǵyp óldi
ÓSKEMEN. QazAqparat - Ulan aýdanynyń Bozanbaı aýylynda 1 jastaǵy bala 20 lıtrlik ydystaǵy sýǵa tunshyǵyp óldi, dep habarlaıdy QazAqparat tilshisi.
Jas otbasy atalmysh aýylǵa jýyqta kóship kelgen eken. Jańa baspanany jóndeýmen álek bolyp júrip, erli-zaıyptylar 1 jastaǵy sábıdi qaraýsyz qaldyrǵan. Bala aýlada oınap júrip, monsha aldyndaǵy sý toly ydysqa qulap ketken. Ata-anasy ony kesh baıqaǵan.
«Oqıǵa ornyna birinshi bolyp polıtsııa qyzmetkerleri jetti. Qutqarýshylar turǵyndardy balalaryn qaraýsyz jibermeýge shaqyrady. Qarapaıym ǵana qaýipsizdik erejelerin saqtamaý úlken qaıǵyǵa dýshar etedi», - delingen oblystyq Tótenshe jaǵdaılar departamenti taratqan aqparatta.
