ShQO-da Rýhanı jańǵyrýǵa arnalǵan jıyn ótti
ASTANA. QazAqparat - 2017 jylǵy 7 qyrkúıekte Óskemen qalasynda Rýhanı jańǵyrý baǵdarlamasyn talqylaý jónindegi sarapshylyq kezdesýler serııasynan ІІ-shi óńirlik dóńgelek ústel bolyp ótti, dep habarlaıdy QR Premer-Mınıstriniń baspasóz qyzmeti.
Shyǵys Qazaqstan oblysy ákimdigi Іshki saıasat basqarmasynyń basshysy Nellı Krasnobaeva baǵdarlamanyń oblysta iske asyrylý barysy týraly aıtyp, birqatar derekterdi keltire ketti.
- «Oblysta Qazaqstannyń kıeli oryndarynyń respýblıkalyq kartasy úshin 8 obekt iriktep alyndy. Onyń ishinde qazaqstandyqtarǵa keńinen belgili Shilikti obalary, tas ǵasyry ǵıbadathanalarynyń «Aq baýyr» kesheni, «Yrǵyzbaı áýlıe» kesenesi jáne basqalar bar. Oblystyń 600-den astam oqýshysy bıylǵy jyldyń sońyna deıin osy oryndarǵa baryp kórýge múmkindik alady».
N. Krasnobaeva Qazaqstandaǵy jańa esimder tizimine Shyǵys Qazaqstan oblysynyń 130 ókili iriktep alynǵanyn da atap ótti, olar bıylǵy jyldyń qazan aıynda jalpyrespýblıkalyq daýys berýge usynylmaq.
ShQO Bilim berý basqarmasy «Bilim berýdegi jańa tehnologııalardyń Shyǵys Qazaqstandyq resýrstyq ortalyǵy» KMM dırektorynyń orynbasary Ásel Ospanova óz sózinde oblysta «Týǵan jerge - taǵzym» aktsııasy sheńberinde TYLEK.KZ aqparattyq portaly jumys istep jatqanyn, onda Shyǵys Qazaqstan oblysy mektepteriniń 8 myńnan astam túlegi tirkelgenin atap ótti.
- «Saıttyń basty mindeti - óziniń tikeleı mektebine, kishi otanyna materıaldyq jáne materıaldyq emes túrde demeýshilik kómek kórsetý. Biz saıttyń kómegimen mekteptiń, kolledjdiń muqtajyna onyń burynǵy túlekteriniń nazaryn aýdaramyz» - dep atap ótti Á. Ospanova.
A.S. Pýshkın atyndaǵy ShQO kitaphanasy dırektorynyń orynbasary Bıbigúl Shaǵıeva Shyǵys Qazaqstan oblysynda mádenıet jáne aǵartý salasyndaǵy jobalardyń kópshiligi iske asyrylyp jatqanyn atap kórsetti. Spıkerdiń aıtýynsha, sońǵy kezde azamattardyń dinı saýattylyǵyn arttyrý jáne olardy ádebı jaǵynan baıytý jóninde kóp jobalar paıda bolǵan.
Eýrazııalyq ıntegratsııa ınstıtýtynyń (uıymdastyrýshy) dırektory Ǵanı Nyǵymetov óz sózinde Rýhanı jańǵyrý baǵdarlamasyn iske asyrý protsesine búkil el qatystyrylyp otyrǵanyn atap ótti. Bul rette árbir óńir óziniń menshikti - erekshe tásilin qoldanyp otyr.
- «Bul turǵydan alǵanda, Qazaqstannyń óńirleri arasynda tájirıbe almasý paıdaly bolýy múmkin. Ony Rýhanı jańǵyrý baǵdarlamasyn ǵylymı-sarapshylyq talqylaý men jobalaý satysynda da, Baǵdarlama men onyń jekelegen jobalaryn tikeleı iske asyrý satysynda da júrgizgen jón» - dedi Ǵ. Nyǵymetov.
Dóńgelek ústeldi qorytyndylaı kele, oǵan qatysýshylar Rýhanı jańǵyrý baǵdarlamasyn iske asyrý protsesin jetildirý jónindegi birlesken usynymdardy ázirleý úshin osyndaı formattaǵy kezdesýlerdiń qundy ekenin tilge tıek ete otyryp, osy suhbat alańyn uıymdastyrýshylarǵa óz rızashylyǵyn bildirdi.
Dóńgelek ústeldiń jumysyna oblystyń ǵylymı-sarapshylyq qoǵamdastyǵynyń, azamattyq sektory men jergilikti atqarýshy organdarynyń 40-tan astam ókili qatysty.
