ShQO-da rezeńke ballonmen syrǵanaǵan taǵy eki adamdy kólik qaqty
ÓSKEMEN. QazAqparat – Óskemen qalasynyń irgesindegi Sheshek asýynda rezeńke ballonǵa otyryp, taýdan syrǵanaǵan eki boıjetken aýrýhanaǵa tústi, dep habarlaıdy QazAqparat tilshisi.
11 qańtar kúni saǵat 17.10 shamasynda rezeńke ballonmen taýdan syrǵanaǵan 24 jastaǵy oblys ortalyǵynyń eki turǵyny júrip kele jatqan «Nissan» kóligine soǵylǵan. Túrli deńgeıdegi dene jaraqattaryn alǵan olar №1 qalalyq aýrýhanaǵa jetkizildi.
«Atalǵan fakti boıynsha QR Qylmystyq kodeksiniń 345-baby boıynsha tergeý amaldary bastaldy», – dep habarlady Shyǵys Qazaqstan oblystyq Polıtsııa departamentiniń baspasóz qyzmetinen.
Esterińizge sala ketsek, osyǵan deıin ShQO-da kóliktiń artyna baılanǵan rezeńke ballonǵa mingesken eki jigit mert bolǵan edi.
Talǵatjan Muhametbekuly
