ShQO-da respýblıkalyq mańyzy bar joldyń bir bóligin tas kóshkini basyp qaldy

ÓSKEMEN. KAZINFORM — Shyǵys Qazaqstan oblysynda respýblıkalyq mańyzy bar «Óskemen-Altaı-Katonqaraǵaı-Rahman qaınarlary» tasjolynyń bir bóligine jartastan iri tastar men usaq jynystar qulady.

Kamnepad zavalıl ýchastok respýblıkanskoı trassy v VKO
Foto: Vıdeodan skrın

Oqıǵa ornynan túsirilgen vıdeo áleýmettik jelide jyldam tarap, kólik júrgizýshileri arasynda qyzý talqylandy.

Kýágerlerdiń aıtýynsha, tas qulaǵan sátte joldyń bul bóliginde kólikter bolmaǵan. Sondyqtan zardap shekkender men búlingen kólikter joq. 

Degenmen júrgizýshiler jol ústindegi iri tas kesekteri men taý jynystarynyń synyqtaryn aınalyp ótýge májbúr boldy.

Osyǵan baılanysty «QazAvtoJol» ulttyq kompanııasynyń oblystyq fılıalynan túsinikteme berdi. Belgili bolǵandaı, tas kóshkini joldyń 25-shaqyrymynda kúndiz bolǵan.

— Búgin saǵat 14:00–de patrýldeý kezinde respýblıkalyq mańyzy bar «Óskemen-Altaı-Katonqaraǵaı-Rahman qaınarlary» jolynyń 25-shaqyrymynda tas kóshkini júrgeni anyqtaldy. Qazirgi ýaqytta kólikterdiń qaýipsiz ári úzdiksiz qozǵalysy qamtamasyz etildi. Oqıǵa saldaryn joıý jumystary jalǵasyp jatyr, — delingen aqparatta.

Qazir arnaıy tehnıka joldyń júrý bóligin taý jynystarynyń synyqtarynan tazartty. Alaıda mamandar tastardyń qaıta qulaý qaýpin boldyrmaý úshin aýmaqty baqylaýdy jalǵastyryp jatyr.

Eske salsaq, osyǵan deıin Almatyda kóshkin qaýpi bar 18 jer ýchaskesi qorǵaýǵa alynǵany habarlanǵan.