ShQO-da reseılik kólikterge qatysty sall-ortalyqqa 250-den astam qońyraý tústi

ÓSKEMEN. QazAqparat – Shyǵys Qazaqstan oblysynda bir aptada reseılik kólikterge qatysty sall-ortalyqqa 250-den astam qońyraý tústi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 11 qarashadan bastap óńir jurtshylyǵyna Reseı Federatsııasynan ákelingen avtokólikterdi paıdalaný jáne tirkeý boıynsha suraq qoıyp, keńes alýǵa múmkindik beretin sall-ortalyq iske qosylǵan. Turǵyndar ol úshin 8(7232)23-41-65, 23-41-59 jáne 8-705-133-84-40 nómirleri arqyly qońyraý shala alady.

«1 apta ishinde oblys boıynsha 250-den astam adam habarlasyp, ózderin tolǵandyrǵan saýaldarǵa jaýap aldy. Kópshilikti kóliginiń tirkeýden shyǵarylǵandar tiziminde bar ma, odan ári júre bere ala ma degen sııaqty suraqtar mazalaǵan. Jedel jeli aldaǵy ýaqytta da jumys isteı beredi», - delingen aqparatta.

Esterińizge sala ketsek, osyǵan deıin Qazaqstanda júrgen reseılik nómirli 88 myń kóliktiń tirkeýden shyǵarylǵany habarlanǵan bolatyn.