ShQO-da Reseıden 6 jasar qyzymen kelgen áıelden koronavırýs tabyldy
ÓSKEMEN. QazAqparat –Shyǵys Qazaqstan oblysynda ótken táýlikte koronavırýs juqtyrǵan 4 adam syrttan kelgen, dep habarlaıdy QazAqparat tilshisi.
«1957 jylǵy zeınetker memlekettik shekaradan Ýba avtoótkeli arqyly ótip, shetelden kelgen azamat retinde tekserildi. Er adam Novosıbırsk qalasynan Óskemen qalasyna turǵylyqty meken-jaıyna bet alǵan. 1991 jylǵy er adam Aýyl avtoótkeli arqyly shekaradan ótken. Naýqas Gornıak qalasynan Semeı qalasyna turǵylyqty mekenjaıyna kelgen. 1992 jyly týǵan áıel óziniń 2012 jylǵy qyz balasymen memlekettik shekaradan «Aýyl» avtoótkeli arqyly ótip, shetelden kelýshiler retinde tekserildi. Olar Vladıvostok qalasynan Almaty oblysy Úshtóbe qalasyna turǵylyqty jerlerine baǵyt alǵan. Aldyn ala júrgizilgen epıdemıologııalyq tergeý nátıjesi boıynsha jaqyn baılanysta bolǵan 3 adam men 1 oshaq anyqtaldy», - delingen ákimdik taratqan málimette.
Qazirgi ýaqytta epıdemııaǵa qarsy sharalar jalǵasýda. Jalpy Shyǵys Qazaqstan boıynsha koronavırýs juqtyrǵan 66 adam tirkeldi.
Eske salsaq, sońǵy málimetterge súıensek, elimizde koronavırýs juqtyrǵandar sany 8531-ge jetti.
