ShQO-da referendým kúni 538 ýchaske jumys isteıdi

ÓSKEMEN. KAZINFORM – Shyǵys Qazaqstan oblysynda 6 qazanda ótetin AES salýǵa qatysty referendýmda 538 ýchaske jumys isteıdi.

ShQO referendým komıssııasynyń málimetine súıensek, óńir boıynsha 538 referendým ýchaskesi jumys isteıdi. Oblysta barlyǵy 487 824 saılaýshy bar.

«Erekshe qajettilikteri bar azamattarǵa daýys berýge jaǵdaı jasaý úshin qosymsha sharalar qabyldandy. Shyǵys Qazaqstanda búginde múgedektigi bar 2160 adam tirkelgen. Olar daýys beretin ýchaskelerge nusqaýlyqtar berildi. 525 ýchaske birinshi qabatta ornalasqan, 492-si pandýstarmen, 511-i ártúrli taktıldi kórsetkishtermen jabdyqtalǵan», - delingen aqparatta.

Múgedektigi bar adamdar turatyn 509 ýchaskede kreslo-arbalardy paıdalanatyn azamattardyń qoljetimdiligin eskere otyryp, jasyryn daýys berýge arnalǵan kabınalar ázirlengen.

«Daýys berý kúni ınvataksıdi tartý máselesi sheshildi. Óskemende 10, aýdandarda 6 mashına iske qosylady. Sýrdoaýdarmashylardyń qyzmetimen referendýmnyń 117 ýchaskesi qamtylady. Barlyq 538 ýchaskede trafaret kózdelgen, onyń kómegimen kórý qabileti nashar azamattar aýdıo nusqasyn tyńdaǵannan keıin bıýlletendi óz betinshe toltyra alady», - delingen habarlamada.