ShQO-da radıotelefonshy jáne dıspetcher áıelder arasynda baıqaý ótti
ÓSKEMEN. QazAqparat – Shyǵys Qazaqstan oblysynda radıotelefonshy jáne dıspetcher áıelder arasynda baıqaý ótti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 8 naýryz – Halyqaralyq áıelder kúni aıasynda dıspetcherler men radıotelefonshy áıelder arasynda baıqaý ótti.
Basty shart – shuǵyl jaǵdaıda kómek suraǵan azamattarmen saýatty, sabyrly jáne naqty sóılese bilý.
Qutqarýshylar men qazylar alqasy dıspetcherler men radıotelefonshylardyń daýystaryn tyńdap shyqty.
Baıqaýdy qıyndatý úshin aıtylýy qıyn sózdermen sóıleý talaby qoıyldy.
Jarysqa 100-den astam názik jan qatysty.
«Telefonnyń arǵy jaǵynda qandaı da bir qıyndyqqa tap bolǵan adam turady. Osy baıqaý arqyly biz óz qyzmetkerlerimizdiń sondaı sátterde qalaı jumys isteıtindikterin tekserdik», - dedi oblystyq TJD bastyǵynyń orynbasary Dmıtrıı Tıtov.
Baıqaý qorytyndysy boıynsha jeńimpaz bolyp Semeı qalasyndaǵy dıspetcher Valerııa Kremneva tanyldy.
Ol tapsyrmalardy barynsha jedel jáne naqty oryndady.
