ShQO-da radıatsııalyq aımaq úshin ústemeaqy tólenbeı kelgen: 317 kómekshiniń jalaqysy qaıta qaraldy
ASTANA. KAZINFORM — Óskemen qalasynyń prokýratýrasy qadaǵalaý qyzmeti barysynda I toptaǵy múgedektigi bar adamdarǵa kómek kórsetetin jeke kómekshilerdiń eńbekaqysyn tóleý kezinde zańnama talaptarynyń buzylǵanyn anyqtady. Shyǵys Qazaqstan oblysy prokýratýrasy málim etti.
— Tekserý nátıjesinde 317 kómekshige tólemderdi esepteý kezinde zańnamada kózdelgen, radıatsııalyq qaýiptiligi joǵary aımaqta jumys istegeni úshin 1,5 aılyq eseptik kórsetkish (AEK) mólsherindegi ústemeaqy qoldanylmaǵany belgili boldy. Óskemen qalasy osyndaı aımaqqa jatqyzylǵan, — dep habarlady prokýratýradan.
Sonyń saldarynan qyzmetkerler tıesili qarajattaryn tolyq kólemde almaǵan. Qazaqstan Respýblıkasynyń qoldanystaǵy zańnamasyna sáıkes, atalǵan ústemeaqy eńbek sharty negizinde jumys isteıtin tulǵalarǵa da, azamattyq-quqyqtyq sharttar boıynsha qyzmet atqaratyn adamdarǵa da mindetti túrde tólenýge tıis.
Prokýrorlyq qadaǵalaý aktisi boıynsha 2025 jyldyń basynan bastap tólemderdi qaıta esepteý bastamasy kóterildi. 317 qyzmetkerdiń buzylǵan quqyqtaryn tolyq qalpyna keltirýge baǵyttalǵan sharalar kesheni qabyldandy.
Aıta keteıik, Abaı oblysynyń prokýratýrasy agroındýstrııalyq klaster ınvestorynyń quqyqtaryn qorǵady.
